Мемлекет басшысы Нұрсұлтан Назарбаевпен «тікелей желіде» Темірлан ауылының тұрғындарына тәулік бойы ауызсу беру туралы мәселе көтерілді Бүгінгі күні мұнда ауызсу кесте бойынша беріледі. Ордабасы ауданы орталығының тұрғындары ҚР Президенті Нұрсұлтан Назарбаевқа көптеген оңтүстікқазақстандықтардың атынан ауызсумен жабдықтау туралы сұрақ жолдады. Президент бұл мәселе жөнінде есеп беруді Оңтүстік Қазақстан облысының әкімі Асқар Мырзахметовке тапсырды. «Бұл сұрақ бойынша жергілікті билік біздерге жауап беруі тиіс деп ойлаймын. «Жол картасы» бағдарламасының мүмкіндіктерін, басқа да қаражаттарды пайдаланыңдар, бірақ бұл мәселені шешу керек. Облыс әкіміне сөз беремін», - деді. А.Мырзахметов 800 елді мекендер таза су беруге қосылғанын, 79 кентте мәселе шешілмегенін айтты. «Тікелей Темірлан ауылының жайына келер болсақ, мәселе жыл ішінде шешілетін болады», - деді ОҚО әкімі.

http://inform.kz 13.11.09