Оңтүстік Қазақстан облысының
үкіметтік емес ұйымдары жөнінде
МӘЛІМЕТ

Қоғамдық бірлестіктердің жалпы саны: Облыстық Әділет департаментінің мәліметі бойынша олыста әртүрлі мақсаттағы бағытта 950-ден астам қоғамдық бірлестік тіркелген. Атап айтқанда, бүгінгі таңда облыста тіркелген облыстық саяси партиялар филиалдарының саны – 9, этно-мәдени орталықтар – 61, кәсіподақтар – 199, қоғамдық қозғалыстар – 16, түрлі бағыттағы үкіметтік емес ұйымдар – 511, басқа да ұйымдар (спорттық федерациялар, саяси партиялардың аудандық, қалалық филиалдары және т.б.) - 155.
Қоғамдық бірлестіктердің 80% облыс орталығында болса, тек 20% ауылдық жерлерде орналасқан.
Мемлекеттік органдардың және үкіметтік емес ұйымдардың арасындағы ынтымақтастық жүйесін нығайту және өзара қарым-қатынастың тиімді механизмдерін жетілдіру үшін 2004 жылы консультативті-кеңесші орган ретінде Оңтүстік Қазақстан облысы әкімдігінің жанынан үкіметтік емес ұйымдармен өзара іс-қимыл жөніндегі Кеңес құрылған. Мұндай Кеңестер барлық аудан, қала әкімдіктері жанынан да құрылған. Кеңестің арнайы құрамы бекітіліп, оның құрамына мемлекетік органдардың, саяси партиялардың, белсенді үкіметтік емес ұйымдардың және БАҚ өкілдері енгізілген. Кеңес мәжілістерін жылына екі рет өткізу жоспарланған. 
Азаматтық қоғамның бір бөлігі ретінде облыста үкіметтік емес ұйымдардың тұрақты дамуы үшін жағдайлар жасау және мемлекеттік билік органдарымен өзара іс-қимыл жасау және олардың тарапынан қолдау көрсету негізінде қоғамның әлеуметтік маңызы бар  мәселелерін шешудегі олардың рөлін күшейту мақсатында Оңтүстік Қазақстан облыстық мәслихатының 2007 жылғы 13 желтоқсандағы №3/24- IV «Оңтүстік Қазақстан облысының үкіметтік емес ұйымдарын мемлекеттік қолдаудың 2008-2010 жылдарға арналған өңірлік бағдарламасы» бекітілген.
Облысымыздың әлеуметтік-экономикалық мәселелерін шешуде белсенді қызмет атқарып жүрген, мемлекеттік органдармен тығыз қарым-қатынаста жұмыс жүргізіп отырған қоғамдық ұйымның бірі «ОҚО Азаматтық Альянс» ассоциациясы. Оның құрамына облыс аумағында орналасқан 37 үкіметтік емес ұйым мен 37 бизнес-құрылым өкілдері кіреді. Олар негізінен өздігінен және мемлекеттік құрылымдармен бірлесіп әлеуметтік-маңызы бар іс-шараларды орындау бағытында жұмыс жүргізіп отыр. Әріптестікті дамыту мақсатында, әлеуметтік-маңызды мәселелерді шешуде түрлі тақырыпта бірлескен дөңгелек үстелдер, кездесулер мен семинарлар өткізіліп отырады.
«ОҚО Азаматтық Альянсі» ассоциациясының құрамында облыстың үкіметтік емес ұйымдарына „Ақпараттық ресурстық орталық“ құрылған. Ресурстық орталықта туындаған сұрақтар бойынша үкіметтік емес ұйымдардың басшыларына, мүшелеріне консультациялық кеңестер беріліп, жұмыс тұрақты түрде жүргізіліп отырады. Ақпараттық орталықтың базасында облыстың үкіметтік емес ұйымдары үшін бірыңғай интернет-ресурсы орнатылған.
Оңтүстік Қазақстан облысында тіркелген қоғамдық бірлестіктер